Oskemen EXPO көрмесі жыл сайын өткізілетін болады

9 Маусым, 2014 14:43

Oskemen EXPO-2015 көрмесіне дайындық қыркүйек айында басталмақ. Бұл туралы облыстық әкімдіктің кеңейтілген аппарат отырысында ШҚО әкімінің орынбасары Ермек Көшербаев мәлімдеді.

«Oskemen EXPO көрмесі жыл сайын өткізілуі керек. Жыл сайын шараны жандандыра түсіп, бұрындары ескермеген дүниелерді жетілдіріп отыратын боламыз. Осыған орай дарынды балалар жобасының арнайы тобын құрып, аталмыш шараға жастарды да барынша молынан тартпақпыз. Өйткені қазіргі жастар барынша жасампаз және жаңа идеяларға толы. Сонымен қатар, енді бұдан былай аудандарда тиісті шаралар өткізіліп, ол жерден үздік жобалар іріктелетін болады», - дейді әкім орынбасары.

ШҚО ақпарат орталығының хабарлауынша, ТРҰА және Астана Экономикалық Форумының өкілдерімен ҚР-дағы және шетелдердегі барлық жобаларды коммерциялау үшін тиісті жұмыстар жүргізілуде.

Естеріңізге сала кетейік, биылғы жылдың 24-інші мамырында ШҚО-да Oskemen EXPO-2014 көрмесі өтті. Шарада 24 жоба таныстырылып, соның 21-і «Болашақтың энергиясы» байқауының жеңімпазы болса, қалған 4-еуі жеке кәсіпкерлік жобалары.

Барлық жаңалықтар