• Басты
  • Алматыда мектеп жанындағы жазғы лагерге 19 мың бала барады

Алматыда мектеп жанындағы жазғы лагерге 19 мың бала барады

9 Маусым, 2014 13:17
2014 жылдың бірінші сауықтыру маусымында Алматының 175 мектебі 18970 баланы қамтитын жұмыс ұйымдастырыды, деп қалалық тұтынушылардың құқын қорғау департаменті хабарлады.

«2014 жылдың бірінші сауықтыру маусымында Алматының 175 мектебі 18970 баланы қамтитын жұмыс ұйымдастырылды, оның ішінде 156 тамақтандыру лагері – 11632 баланы қамтыса, 8 лагерь ұйқымен 834 баланы, 19 мектепке дейінгі жазғы алаң – 7338 баланы қамтып отыр», - делінген хабарламада.

Санитарлық-эпидемиологиялық әлеуетті қамтамасыз ету үшін емханалар медқызметкерлермен, мектеп жанындағы лагерьлердің өкілдерімен семинар-кеңестер өткізілді.

Айта кетерлігі, Алматы қаласының тұтынушылардың құқын қорғау департаменті денсаулық сақтау мен білім беру басқармасымен бірігіп оқып жатқандарды сауықтыру жұмысымен айналысуда. Бұл жұмыс пилоттық режимде 2010 жылдан басталған, 2010-2013 жылдар арасында 8428 оқушы сауықтырудан өтті. 

Барлық жаңалықтар