Ақмола облысында ТКШ мәселелері талқыланды
9 Маусым, 2014 09:21
Ақмола облысы бойынша монополияға қарсы инспекция Көкшетау қаласындағы тұрғын үй-коммуналдық шаруашылықтың проблемалық мәселелері және оларды шешу жолдарын талқылау бойынша дөңгелек үстел өткізді.
Кеңесте сондай-ақ пәтерлер меншік иелерінің ортақ меншікті басқарудағы төмен белсенділігі, ПМК-де инженерлік желілерге қызмет көрсету бойынша материалдық-техникалық базаның жоқтығы, үйлер мен үй маңындағы аумақты тиісінше күтіп ұстауды қамтамасыз етпейтін ПМК қызметтеріне төмен тарифтер және т.б. мәселелер сөз болды.
Шара тұрғын үй комиссиясы, Көкшетау қаласының ТКШ, жолаушылар көлігі және автомобиль жолдары бөлімінің басшылары мен өкілдерінің, табиғи монополиялар субъектілерінің, нарық субъектілерінің, ПМК, БАҚ-тың қатысуымен өтті.
Дөңгелек үстел қорытындысы бойынша қатысушыларға жауаптар, оның ішінде монополияға қарсы заңнаманы сақтауға қатысты түсіндірулер берілді.
