2014 жылы жалпы құны 3 млрд болатын 16 жобаны іске қосу жоспарланған – Самұрық-Қазына
7 Маусым, 2014 12:02
«Самұрық-Қазына» АҚ отырысында Қордың еншілес компанияларының бірінші басшылары инвестициялық әрекет нәтижелерін баяндады. Қолға алынған жобалардың бүгінгі ахуалына тоқталып, алдағы күндердің жұмыс жоспарын жеткізді.
Қазір «Самұрық-Қазына» АҚ портфельінде жалпы құны $146 млрд. құрайтын 163 жоба бар. Оларға Қор құйған әр долларға қосымша 3 доллар инвестиция тартылғанын айта кеткен жөн.
2011-2013 жылдар аралығында «Самұрық-Қазына» компаниялар тобы жалпы құны $4,3 млрд. құраған 29 жобаны іске қосты.
2014 жылы жалпы құны $3 млрд. болатын 16 жобаны іске қосу жоспарланған, деп қордың баспасөз қызметі хабарлады.
