Қызылорда облысының кәсіпорындары Бакуде өткен көрмеге қатысты
7 Маусым, 2014 11:05
Баку қаласында Каспий жанындағы аймақтардың энергетикалық саласына қатысты «Каспийдің мұнай мен газы» (CaspianOil&Gas 2014) XXI Халықаралық көрме-конференциясы өтті.
Көрмеде 29 елдің 402 компаниясы таныстырылды. Олардың ішінде Қызылорда облысының «Нефть Тех Сервис» және «ФракДжет» компаниялар тобы бар, деп облыс әкімдігінде хабарлады.
Көрме барысында делегат Azgerneft, Bos Shelf сынды мұнай өндіруші компаниялармен кездесті.
Айта кетерлігі, 2014 жылы Алматы, Ақтау, РФ Түмен қаласындағы көрмелерге қатысу жоспарланып отыр.
Айта кетейік, Қызылорда облысы – Қазақстаның мұнай өндіретін өңірлерінің бірі. 2013 жылы 11 млн тонна мұнай өндірілді. Бүгінгі таңда аймақта 30 мұнай компаниясы бар.
