Е.Журавлев: Назарбаев еуразиялық интеграция идеясын дамытуға тарихи үлес қосты
6 Маусым, 2014 17:33
Біздің Президентіміз Н.Назарбаев еуразиялық интеграция идеясын дамытуға тарихи үлес қосты, аталмыш бірлестікте барлық елдердің пайдалы әрі сәтті ынтымақтастығын дайындауда айтарлықтай жұмыстар атқарылды, дейді Л.Н.Гумилев атындағы ЕҰУ қолданбалы лингвистика кафедрасының меңгерушісі, филология ғылымдарының докторы, профессор Евгений Журавлев Strategy2050.kz агенттігіне берген сұхбатында.
«Интеграция процесі әрбір елге тек қана оң және пайдалы өзгерістерге бастау болады. Еуразиялық экономикалық одақты құру туралы Келісімге қол қою арқылы біз экономикалық, мәдени, ғылыми және өзге де әлеуетімізді бірлестіреміз. Ондағы мақсат елді гүлдендіру. Аталмыш Келісімнің өзге емес Қазақстанның жас Астанасында құрылуында да өзіндік мәні жоқ емес. Астана төрінде бірқатар халықаралық құжаттарға қол қойылды, енді оған ЕАЭО туралы Келісім еніп отыр», - дейді профессор.
