С.Бычкова Ұлттық ескерту механизмін енгізудің пайдасы туралы айтты

«Ұлттық ескерту механизмі біздің елімізде таяуда ғана қолға алынды. Бүгінде барлық ТМД елдерінің осы механизмді пайдаланатынын ескерсек, бұның бізге де берері мол болмақ. Біз алғаш болып осындай ескерту механизмін құрып отырмыз. Қазіргі таңда ол құрылып қойды, енді кейбір жерлерде ол біртіндеп қызмет ете бастады. Біз оны адам құқына құзіретті органдар тарапынан басқарылып, жұмысы үйлестіріледі», - дейді депутат.

Оның айтуынша, оның құрамына қоғамдық бақылау комиссиясы өкілдері, белгілі бір саладағы сарапшылар мен өзге де тұлғалар кіреді.

«Бұл механизм жұмысының мәні неде? Ұлттық ескерту механизмі мүшелігіне енетін кісілер тобының ескертуінсіз Қылмыстық-атқару жүйесінің кез келген мекемесіне кіріп, жазасын өтеп жатқан кез келген адаммен сөйлесуге мүмкіндік бар. Сонымен қатар, ол жақтың шағымдарын қабылдап, дереу оны азаптау секілді заңсыздықтарға қатысты шұғыл шара қабылданады», - деп түсіндірді С.Бычкова.

Айта кету керек, бұл жүйе тек Қылмыстық-атқару жүйесінің мекемелеріне ғана қатысты емес.

«Балаларға арналған жабық режимдегі белгілі бір ұйым мен психиатриялық ауруханалар да бар. Ұлттық ескерту механизмі бұл жерде де жұмыс істейді.  Жұмыстары енді ғана басталды, бір жылдық жұмыстың нәтижесімен шығатын баяндама бойынша бұл механизмнің қаншалықты тиімді жұмыс істеп жатқанын байқайтын боламыз», - дейді ол.

Естеріңізге сала кетейік, жаңа Қылмыстық-атқару кодексі баптарының бірі Ұлттық ескерту механизмінің қызметіне арналған.