ЕҰУ-де «Абай және Пушкин» музыкалық кеші өтті
6 Маусым, 2014 19:08
Бүгін Л.Н.Гумилев атындағы Еуразия ұлттық университетінде ұлы ақындардың шығармашылығына арналған «Абай және Пушкин» атты музыкалық кеш өтті, деп қала әкімдігінің ресми сайты хабарлады.
Аталған шара орыс ақыны А.С.Пушкиннің туған күніне орайластырылған. Мерекелік шара қонақтары Қазақстанның еңбек сіңірген әртісі, өнертану профессоры Кенжеғали Мыржықбаевтың орындауындағы ұлы ақындардың шығармаларын тыңдады.Отандық әртіс көпшілік назарына Абайдың «Көзімнің қарасын» орындап, А.С. Пушкиннің «Я помню чудное мгновенье...» өлеңін оқыды.
