Е.Мақашев: ЕАЭО жағдайында бәсекеге қабілетті мамандарға сұраныс көбейеді
6 Маусым, 2014 14:48
Бірыңғай еңбек нарығында тек бәсекеге қабілетті мамандарға ғана сұраныс болады, деп есептейді «Болашақ» Ассоциациясының атқарушы директоры Ермек Мақашев. Бұл туралы «Нұр Отан» партиясының ресми сайы хабарлады.
«Бірыңғай еңбек нарығы бәсекеге қабілетті мамандарға сұраныс болады дегенді білдіреді. Сондықтанда жастардың арасында сапалы білім мен біліктілікті насихаттаған жөн. Қазіргі таңда білім жоғары бағаланатын заман келді. Егер білімің бар болса сен білікті мамансын деген сөз. Сонымен қатар ол маман жоғары жалақыны талап ете алады», - деп есептейді Ермек Мақашев.
Сонымен қатар ол, еуразиялық интеграция аясында жас кәсіпкерлер алдында үлкен мүмкіндіктер ашылып отыр, деп баса айтты.
«Шағын бизнеске қолдау көрсету мақсатында кемінде 1 трлн. теңге бағытталатын болады. Айта кетерлік жайт, шағын бизнеске қолдау көрсету мақсатында түрлі бағдарламалар жасақталған. Осы ретте біз жастар олардың өз кәдемізге жарата аламыз», - деді ол сөз соңында.
