АШМ қызметкерлерінің 30%-дан астамы 30-ға дейінгі жастар (ФОТО)

6 Маусым, 2014 12:03

ҚР Ауыл шаруашылығы министрлігіндегі қызметкерлердің 30%-дан астамы 30-ға дейінгі жастар. Бұл туралы бүгін ведомстводағы «Жас маманға – ақ жол!» акциясын өткізу бойынша видеоконференция барысында ҚР АШМ АӨК-дегі Мемлекеттік инспекция комитетінің төрағасы Сақташ Хасенов мәлімдеді.

Ол қызметкерлердің гендерлік ерекшеліктеріне тоқталып, жыл сайын министрліктердегі қызметкерлердің арасындағы басшылық қызметтегі нәзік жандылардың үлес салмағының артып келе жатқанын айтты.

«Гендерлік құрам бойынша ер адамдардың үлесі басым 2758 (70,9%), әйелдер тиісінше 1130 (29,1%). Орталық аппараттағы басшылық лауазымында 74 адам бар, соның ішінде әйелдер саны 32 (43,2%). Шамамен 5-7 жыл бұрын пропорция мүлде өзгеше болатын. Жыл сайын басшылық лауазымдағы әйелдер саны артып келеді», - дейді С.Хасенов.

Сонымен қатар, С.Хасенов қызметкерлердің өңірлік ерекшеліктері туралы да айта кетті.

«Қызметкерлердің жалпы санының 57-сі (18,6%) Ақмола облысынан, 35-і (11,4%) Қостанай облысынан, 26-сы (8,5%) Қарағанды облысынан, 23-і (7,5%) Оңтүстік Қазақстан облысынан, 22-сі (7,2%) Солтүстік Қазақстан облысынан, қалған қызметкерлердің 46,8%-ы Қазақстанның өзге өңірлерінің өкілдері», - дейді төраға.

Индира Кауметова

Фото-Азамат Алиев

Барлық жаңалықтар