Мемлекеттік басқару академиясы Аргентинаның Ұлттық университетімен ынтымақтастық меморандумына отырды
6 Маусым, 2014 10:03
ҚР Президенті жанындағы Мемлекеттік басқару академиясына Аргентинаның Ла-Плата Ұлттық университетінің төрағасы, Халықаралық қатынастар институтының Еуразия кафедрасының меңгерушісі Пауло Ботта іс-сапармен келді.
Кездесу барысында екі жақты ынтымақтастықты дамыту тетіктері, магистранттарға арнайы грант бөлу сынды бірқатар мәселелер қаралды, деп Академияның баспасөз қызметі хабарлады.
Сонымен қатар, Пауло Боттаға G-Global-дың платформасында ұйымдастырылған онлайн - конференцияға белсенді қатысқаны үшін сертификат берілді. Бұдан басқа екі іргелі оқу орындарының арасында ынтымақтастықты дамыту мақсатында меморандумға қол қойылды.
Аталмыш құжат бірлесіп конференция, дөңгелек үстелдер, семинарлар өткізуге, ортақ ғылыми-зерттеу жобаларын жүзеге асыруға, тыңдаушылармен, сарапшылармен, профессорлармен алмасуға және ғылыми басылымдарға өз материалдарын жіберуге мүмкіндік береді.
