Қаржы полициясы алкоголь өнімінің заңсыз айналымына қарсы әдіс шығарды

5 Маусым, 2014 13:51

Экономикалық қылмыс және сыбайлас жемқорлыққа қарсы күрес агенттігі алкоголь өнімінің заңсыз айналымына қарсы әдіс ойлап шығарды. Бұл туралы бүгін ҚР Президенті жанындағы Орталық коммуникациялар қызметінің брифингісінде ҚР Экономикалық қылмысқа және сыбайлас жемқорлыққа қарсы күрес агенттігі төрағасының орынбасары Марат Ахметжанов мәлімдеді.

«Алкоголь сынды зиянды заттардың айналымына ерекше көңіл бөлінеді. Ел басшлығы алкоголь өнімінің айналымына қадағалау жүргізу керектігін тапсырды. Агенттік аймақ көлемінде көлеңкелі экономиканы реттейтін әдіс ойлап шығарды», - деді М. Ахметжанов.

Ол атап өткендей, ағымдағы жылы және өткен жылы 9 өндіруші-зауыттың заңсыз қызмет істегені анықталды.

«Талдамалық зерттеу барысында жедел-ісдестіру шаралары жүргізілді, оның нәтижесінде осы жыл мен өткен жылы 9 өндіруші өнеркәсіп заңсыз жұмыс істегені анықталды», - деді ол.

«Жалпы, алкоголь өнімінің заңсыз айналысына байланысты 205 қылмыс тіркелді, 27 цех сурогаттық өнім өндіретіні анықталды. Бір жарым млн жалған тіркеу-реттеу маркалары әшкереленіп, 2,5 млн тіркелмеген алкоголь өнімі анықталды», - деді М. Ахметжанов.

Индира Кауметова

Барлық жаңалықтар