2014 жылы Индустрияландыру картасы бойынша Алматы облысында 5 жоба іске асады

5 Маусым, 2014 10:44

2014 жылы Индустрияландыру картасы бойынша Алматы облысында 5 жоба іске асырылады. Бұл туралы Алматы облыстық кәсіпкерлер палатасының өңірлік кеңес мүшелері мен кәсіпкерлік құрылым өкілдері жиынында айтылды.

Алматы облысындағы кәсіпкерліктердің қандай қолдауға ие болатынын Өңірлік үйлестіру кеңесі шешеді. Биыл Индустрияландыру картасы бойынша Алматы облысында 5 жоба іске асырылмақ. Олардың арасында фармацевтикалық зауыт пен құс фабрикасы бар. 2015 жылы тағы 2 жобаны іске асыру жоспарланған, деп хабарлайды palata.kz сайты.

Алматы облысы – аграрлы аймақ. Өңірде өндірілген өнімнің шамамен 80%-ы сыртқа сатылады.

ҰКП төрағасы Абылай Мырзахметовтың айтуынша, заманауи жылыжай технологиясының базасында көкөніс кластері құрылмақ. Ұлттық кәсіпкерлер палатасы 5-6 позиция бойынша азық-түлік қауіпсіздігін қамтамасыз ету міндеттемесін алға қойып отыр. Бұны Алматы облысының орындауына да ешқандай кедергі байқалмайды.

Сонымен қатар, жиында өңірлік кәсіпкерлерге ҰКП төрағасы мемлекеттік билікпен тығыз қарым-қатынас жасап, облыстық әкімдік жанындағы кеңес органдары жұмысына араласуды тапсырды. Жергілікті билік пен кәсіпкерлік арасындағы диалог әріптестік сипат алуы керек.

Барлық жаңалықтар