Н.Назарбаев Әзербайжан Республикасының Президенті И. Әлиевпен кездесті
5 Маусым, 2014 09:14
Мемлекет басшысы Нұрсұлтан Назарбаев Әзербайжан Республикасының Президенті Ильхам Әлиевпен кездесті, деп Ақорданың баспасөз қызметі хабарлады.
Атап айтқанда, Нұрсұлтан Назарбаев пен Ильхам Әлиев сауда-экономика, мұнай-газ және көлік-логистика салаларындағы қарым-қатынасты күшейту перспективаларына тоқталды. Бұл ретте тараптар экономикалық әлеуетті жүзеге асыру мақсатында өзара сауда көлемін ұлғайтудың маңыздылығын атап өтті.
Бұдан бөлек, екі ел көшбасшылары халықаралық және өңірлік ұйымдар, Түркітілдес мемлекеттер Парламенттік Ассамблеясы аясындағы өзара іс-қимыл барысын қарастырды.
