Емханаға тіркелу туралы ақпаратты Астана қаласының «электрондық әкімдігі» порталынан алуға болады

Емханаға тіркелу, оның мекен-жайы, учаскенің нөмірі, және де учаскелік дәрігер туралы мәліметтерін  service.astana.kz порталынан білуге болады. Аты-жөнін және туған күнін немесе ЖСН көрсетсе жеткілікті, деп Астана қаласы әкімдігінің баспасөз қызметі хабарлады.

Ақпараттағы сәйкессіздікті немесе жоқтығын анықтаған жағдайда Астана тұрғыны  «электрондық үкімет» egov.kz порталында алғашқы медициналық-санитарлық көмек көрсететін медицина ұйымдарына тіркелуге электрондық өтінімді бере алады, не болмаса тұрғылықты жері бойынша емханаға баруға болады.