ИЖТМ: Жеңiл өнеркәсiп – экономиканың маңызды инновациялық тартымды саласы

Тұтыну деңгейi бойынша жеңiл өнеркәсiп азық-түлiк тауарларынан кейiн екiншi орында, бұл оның маңыздылығын бiлдiредi. Жаңа геосаяси жағдайларда жеңiл өнеркәсiптiң экономикалық және стратегиялық қауiпсiздiктi, еңбекке қабiлеттi халықты жұмыспен қамтуды және оның өмiр сүру деңгейiн көтерудi қамтамасыз етудегi маңызды рөлiн ескере отырып, Қазақстан Республикасы Индустрия және жаңа технологиялар министрлігі саланы дамытуға айрықша назар аударып отыр.

Республика бойынша бір жарым мыңнан астам жеңіл өнеркәсіп кәсіпорындары тіркелген, олардың 20-сы ірі, 51-і орта кәсіпорындар, онда 12,0 мыңнан астам адам жұмыс жасаса, олардың 80% астамын әйелдер құрайды, деп ҚР ИЖТМ Өнеркәсіп комитеті хабарлады.

Соңғы жылдары таяу және қиыр шетелдерге өзінің дайын өнімдерін экспорттаушы сала кәсіпорындарының саны өсуде. Өңделмеген терілерді экспортқа шығаруға салынатын кедендік бажды бір тоннаға 200 еуродан 500 еуроға көтерген мемлекеттік қолдау арқасында 2013 жылы ІҚМ терілерінен былғары өңдеудің НКИ көрсеткіші 173% дейін жоғарылады.

Жеңіл өнеркәсіп, бар қиындықтарға қарамастан, оң өсу қарқынына ие болып отыр. Мысалы, 2008-2013 жылдар аралығында сала үлесі өндірістің жалпы көлемінде 0,2%-дан 0,36%-ға дейін, ал өңдеу өнеркәсібінде 0,81%-дан  1,1%-ға дейін өсті.