Ақмола облысында «Бұл - менің Туым!» акциясы өтуде
4 Маусым, 2014 11:01
Көкшетауда Мемлекеттік рәміздер күнін тойлау барысында бірқатар патриоттық акциялар өтуде.
Вело- және авто шеру акция өткізілетін жерден басталып, алдын-ала әзірленген бағыт бойынша қаланың негізгі көшелерімен жүреді. Барлық автомобильдер мен велосипедтер Қазақстан Республикасының туларымен безендіріледі. Көліктер легінің «Тәуелсіздік» алаңына салтанатты түрде келіп кіруімен шеру мәресіне жетеді, деп облыс әкімдігінде хабарлады.
Облыс орталығының тұрғындары мен қонақтары үшін жас таланттар мен КВН командаларының қатысуымен жастарға арналған шоу-бағдарлама және Көкшетау қаласының айтулы диджейлерінің орындауындағы мерекелік шара өткізіледі.
