• Басты
  • ҰБТ-ның бірінші күніндегі орташа балл 1,1 пунктке өсті – БҒМ

ҰБТ-ның бірінші күніндегі орташа балл 1,1 пунктке өсті – БҒМ

3 Маусым, 2014 17:33
Ұлттық біріңғай тестілеудің бірінші күніндегі қазақстандық түлектердің орташа балы биыл 76,6-ны құрап, былтырғы көрсеткіштен 1,1 пунктке өсті, деп хабарлайды Премьер-Министрдің ресми сайты Білім және ғылым министрлігіне сілтеме жасай отырып.

«Бірінші күн қорытындысы бойынша бір түлек максималды 125 балл жинаса, 3 797 талапкер 100-ден жоғары көрсеткішке қол жеткізді. Бұл жалпы тапсырғандардың 14,5%-ы. ҰБТ бірінші күнінің орташа балы 76,6 құрап, 2013 жылмен салыстырғанда 1,1 пунктке өсті», - делінген.

Министрліктің мәліметінше, ҰБТ 2 маусымда басталып, тестілеудің бірінші күніне қатысуы тиіс 27 670 талапкердің 26 134-еуі қатысқан. Бұл пайыздық көрсеткішпен 94,5%. Тестілуе шаралары 61 пункт базасында өткізілді.

«Тестілеуге қатысқандардың айтуынша, барлық өңірлерде ҰБТ тыныш және өте жоғары ұйымдастырылған деңгейде өтті», - дейді.

Ведомстваның мәліметіне сүйенсек, ең төменгі 50 балға жете алмаған талапкерлердің саны 6 233. Яғни барлық қатысушының 23,8%-ы. Бұл өткен жылғы көрсеткіштен (26,4%) 3 пайызға төмен.

Барлық жаңалықтар