И.Адырбеков: ЕАЭО туралы Келісімге қол қою - тарихи оқиға (Брифинг бейнебаяны)
3 Маусым, 2014 16:01
Еуразиялық экономикалық одақ туралы Келісім - шын мәніде тарихи оқиға, Мемлекет басшысы Нұрсұлтан Назарбаевтың 20 жылдық ерен еңбегінің жемісі. Бұл туралы ОКҚ брифингінде ҚР Парламенті Сенатының депутаты Икрам Адырбеков мәлім етті.
«Елбасы 1992 жылы қазан айында Мәскеу Мемлекеттік Университетіндегі лекцияда Еуразиядағы еркін сауда аймағы аясында жалпы кедендік кеңістікті құруды ұсынды», - деп ол еске салды.
Сонымен қатар ол, ЕАЭО туралы келісімге қол қою алдында өткен маңызды бір шараны еске салды. Ол Шанхайда өткен IV Азиядағы өзара ықпалдастық және сенім шаралары жөніндегі кеңесі (АӨСШК) болып табылады.
«Азиядағы өзара ықпалдастық және сенім шаралары жөніндегі кеңесін (АӨСШК) құру туралы идеяны алғаш рет Нұрсұлтан Назарбаев 1992 жылы БҰҰ алаңында ұсынған болатын. Осы жылдар аралығында АӨСШК халықаралық деңгейде мойындалған салмақты құрылымға айналды», - деді депутат.
Динара Сүгірбаева
