• Басты
  • Қазақстан Азия чемпионатында жалпыкомандалық есеп бойынша екінші орын алды

Қазақстан Азия чемпионатында жалпыкомандалық есеп бойынша екінші орын алды

3 Маусым, 2014 12:31
ҚР Спорт және дене шынықтыру агенттігінің қолдауымен ересек және жас спортшылар арасында велоспорттан өткен Азия чемпионаты өз мәресіне жетті.

Азия чемпионатына Қазақстан, Ауғанстан, Бруней, Қытай, Шығыс Тимора, Гонконг, Үндістан, Индонезия, Иран, Ирак, Жапония, Иордания, Корея, Сауд Арабиясы, Қырғызстан, Ливан, Макао, Малайзия, Монғолия, Пәкістан, Катар, Сингапур, Шри-Ланка, Сирия, Тайланд, Қытай Тайбэясы, Түркменстан, БАӘ, Өзбекстан мен Вьетнамнан 500-ден астам спортшы қатысты, деп хабарлайды ведомства.

Қазақстанға, соның ішінде Қарағандыға алғаш рет ат басын бұрған халықаралық велоспортшылар кеңесінің президенті Брайан Куксон Азия біріншілігіне жоғары баға берді.  

«Мен үшін бұл чемпионатқа келіп отырған осыншама Азия спортшылары сайысын тамашалау үлкен қуаныш», - дейді.

Қазақстандық және әлемдік велоспорттың аты аңызға айналған қаһарманы Александр Винокуров жас спортшыларға батасын берді. «Біздің команда өте сәтті өнер көрсетті. Шоссе мен тректе де жергілікті жанкүйерлерді жрге қаратқан жоқ. Нәтижесінде отандық спорттың деңгейі арта түсті. Бұл үлкен жетістік», - дейді А.Винокуров.  

Бейресми медальдық қорытындыда Қазақстан құрамасы екінші орын алды. Сонымен қатар қазақстандық спортшылар командалар арасында ең көп 11 алтынға қол жеткізді. 

Барлық жаңалықтар