Д.Шәженова: Мемлекеттік қызметтер реестріне 647 атау енеді
2 Маусым, 2014 16:30
Бүгінгі таңда мемлекеттік қызмет реестрінде 647 қызмет түрі бар, оның 417 ақылы болса, қалған 230 тегін көрсетіледі, деп ҚР Экономика және бюджеттік жоспарлау министрлігінің жауапты хатшысы Дина Шәженова мәлім етті.
«Мемлекеттік қызметті қозғағанда оның барлық салалармен, адамның бүкіл өмірімен үндесіп жатқанын айтпай кетуге болмайды. Өмірге келген кезден бастап адам баласы мемлекетпен мемлекеттік қызметті алу арқылы өзара араласады», - деді Д. Шаженова.
Әр азамат үшін алғашқы мемлекеттік қызмет туу туралы куәлігін, арнайы әлеуметтік жәрдемақыны алу болып табылады. Сонымен қатар, жасы ұлғайған сайын жеке куәлік алады. Ал, кәсіпкерлік қызметті жүзеге асыратын болса арнайы куәлікті алады және т.б.
Бұдан шығатын қорытынды азамат мемлекеттің қызметтіне бағынышты. Осы ретте мемлекет толыққанды өмір сүру үшін әр азаматқа жан-жақты жағдай жасауы тиіс.
Камила Амирова
