Астанада қосалқы репродуктивті технологиялар және ҚРТ бойынша конференция өтеді
2 Маусым, 2014 16:24
2014 жылдың 3-4 маусымында Астана қаласында «Қосалқы репродуктивті технологиялар (ҚРТ) және адамның иммун тапшылығы вирусы (АИТВ). ҚРТ өзекті мәселелері» атты VI Халықаралық ғылыми-тәжірибелік Конференция өтеді.
Шараны ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссия ұйымдастырып отыр.
Конференция Израиль, Германия, Испания, Англия, Франция, Ресей, Украина және Қазақстанның әлемге әйгілі ғалымдары мен мамандарының қатысуымен өтеді.
Конференцияның басты тақырыбы АИТВ инфекциясын жұқтырған науқастардың бедеулік мәселесін қосалқы репродуктивті технологиялар арқылы шешу мүмкіндігі болмақ.
Бүгінгі күні Қазақстанда бұл мәселе алғашқы рет көтерілмек және өзінің шешімін табуы тиіс. Жұқтырылған иммун тапшылығы синдромы (ЖИТС) індеті - мемлекеттік мәселе екені және АИТВ инфекциясын жұқтырған науқастардың бедеулік мәселесімен беттесуге мәжбүр екені мәлім.
