«ЖҚЖК-2020» аясында 2014 жылы мың адам шағын несие алды

«Жалпы, бес айдың қорытындысын қарайтын болсақ, бұл уақыт аралығында шамамен 32 мың адам жұмыспен қамтамасыз етіліп, соның басым бөлігі тұрақты түрде жұмысқа орналасты. Тағы 29 мың адам қайта оқыту шараларына тартылып, 1 мыңдай адамға шағын несие берілді. Тағы 1,5 мың адам өзге елді мекендерге қоныс аударды», - дейді министр.

Оның айтуынша, жастардың өндірістік тәжірибесіне тағы 30 мың адам тартылды. Сонымен қатар, пилоттық өңірлерді кәсіби бейімдеу бойынша әдістемелік ұсыныстар дайындалды. Және 9-11 сынып оқушыларын кәсіби баулу қолға алынды.

«Шілдеден бастап Павлодар, Шығыс Қазақстан, Солтүстік Қазақстан, Оңтүстік Қазақстан обылыстарында бағдарламаға қатысушы үміткерлер арасында кәсіби бейімдеу өткізіледі», - дейді еңбек және халықты әлеуметтік қорғау министрі.

Министрдің айтуынша, сұранысқа ие мамандықтарда жұмыс орнын құру мен ағымдағы бос жұмыс орындарының мәліметтер базасын құру мен халықтың мақсатты тобын жеке жұымспен қамту агенттіктері мен үкіметтік емес ұйымдарға тарту жұмыстары басталып кеткен. 

Мадина Нұрбекова