• Басты
  • Мамыр айында күнкөрістің ең төменгі деңгейі 18 800 теңгені құрады

Мамыр айында күнкөрістің ең төменгі деңгейі 18 800 теңгені құрады

2 Маусым, 2014 19:04
Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2014 жылғы мамырда өткен аймен салыстырғанда 2,8%-ға, 2013 жылғы мамырмен - 8,3%-ға өсті.

Оның құрылымында ет пен балықты сатып алуға жұмсалған шығыстардың үлесі 21,8%, сүт, май және тоң май өнімдері мен жұмыртқаны - 16,1%, жемістер мен көкөністерді - 12,5%, нан және жарма өнімдерін - 7,5%, қант, шай және дәмдеуіштерді - 2,1%-ды құрады, деп статистика агенттігінде хабарлады.

Ең төменгі күнкөріс деңгейі - мөлшері бойынша ең төменгі тұтыну қоржынының құнына тең, бір адамға қажетті ең төменгі ақшалай табыс. Ең төменгі тұтыну қоржыны адам тіршілігін қамтамасыз етуге қажетті тамақ өнімдерінің, тауарлар мен көрсетілетін қызметтердің заттай және құндық көріністегі ең төменгі жиынтығы болып табылады.

 

 

Барлық жаңалықтар