Астанада мембағдарлама бойынша жас отбасылардан құжат қабылдау басталды

«Биыл бағдарламаға өзгертулер енді. Пәтерге құжат тапсырып отырған жастардың жасы  29 жастан аспауы тиіс. Қажетті міндет – Астана қаласында кем дегенде екі жыл тұруы   керек», - деді Астана қаласының  баспана басқармасының жетекшісі Серік Оспанов.

2014 жылы Астана әкімдігі жас отбасыларға арналған шаршы метрі 120 мың теңге тұратын   672 пәтерді қолданысқа береді. Оның ішінде 134-і бір бөлмелі, 380-і екі бөлмелі, ал 158-і  үш бөлмелі пәтер. Қатысушылар  ұпай жинау бойынша іріктеледі. Ұпайлар көрсетілген қатысушылар тізімі Астана әкімдігінің ресми порталында жарияланады.

«Мәселен, сіз келісімді 8 жылға орнатасыз, 1 бөлмелі пәтерді жалға алсаңыз, айын сайын төленетін құн – 25 440 теңге. Ал егер, екі бөлмелі пәтер болса, ай сайын 38 мың теңге төлеу қажет, үш бөлмелі – 51 мың теңге», - деді «Құрылысжинақбанкі» орталық филиалының   клиенттермен жұмыс істеу басқармасының жетекшісі Ләззат Мұратова.