Маңғыстау облысының колледждеріне дуалдық оқыту жүйесі енгізілуде – ҰКП
2 Маусым, 2014 11:16
Маңғыстау облысының колледждерінде дуалдық оқыту жүйесі енгізілуде. Бұл жайында ҚР ҰКП Төралқа Төрағасы Тимур Құлыбаев Маңғыстау облысының кәсіпкерлерімен өткен жұмыс кездесуде мәлімдеді.
«Мамандар дайындау өте маңызды мәселе екені түсінікті. Ұлттық кәсіпкерлер палатасы Мемлекет басшысының тапсырмасын орындай отырып, кәсіпорындарда дуалдық оқыту жүйесін енгізу бағытында жұмыс жасауда, яғни болашақ мамандар білім алумен қатар өндірістік дағдыларды да игереді. Ұлттық палатаның осы жүйені қолдануға қатысты ұсынысына Маңғыстау өңірінде қазіргі уақытта әртүрлі бағыттағы бес колледж қолдау танытып отыр. Бұл жұмыс дұрыс тәсілімдемені қолданған жағдайда сәтті іске асырылады деп ойлаймын», - деді Тимур Құлыбаев.
Іс-шара барысында Ұлттық кәсіпкерлер палатасы экономиканың әртүрлі салаларындағы мамандар қажеттілігін есепке ала отырып, «мамандықтар картасын» әзірлеу жұмыстарын бастағаны жайлы атап өтілді, деп palata.kz хабарлады.
