ЕАЭО Келісімі Парламент қарауына қыркүйекте енгізіледі-СІМ
31 Мамыр, 2014 12:44
Еуразиялық экономикалық одақ құру туралы шарт Парламент қарауына қыркүйекте енгізіледі. Бұл туралы бүгін ҚР Президенті жанындағы Орталық коммуникациялар қызметінің брифингісінде ҚР Сыртқы істер министрлігінің Айырықша істер жөніндегі елшісі Асан Қожақов мәлім етті.
«2015 жылдың бірінші қаңтарынан Еуразиялық экономикалық одақ жұмысын бастайды. Біріншіден, бізге шартты Парламенттің қарауына енгізу қажет болады. Яғни, ратификациялау процесін бастаймыз. Бұл процесс қыркүйек айында басталып, бір-екі айға созылады. Бұл шарт ауқымды құжат, 1000 бетке жуықтайды. 28 тарау, 118 бап және 33 қосымшадан тұрады. Парламентте құжат жан-жақты талқыланып, мұқият сараланатыны сөзсіз», - деп хабарлады Асан Қожақов.
Оның айтуынша, бұл жұмысқа барлық мемлекеттік органдар тартылады
«Оларың ұсыныстары – Келісімнің интеграциялық үрдістері бойынша жұмыс істеп жатқан келіссөз жүргізушілерінің басты негізі», - деді ол.
Мадина Нұрбекова
