ЕАЭО ықпалдасқан елдердің жағдайын арттырады
31 Мамыр, 2014 11:04
Д. Серікбаев атындағы ШҚОМУ экономика және нарық кафедрасының профессоры Сағаладин Жұманазар үш мемлекет қойған құжат экономиканың бірігуі ғана емес, одан да маңызды мәнге ие екенін атап өтті.
«Терең қайта құрылу барысында интеграцияланған елдердің экономикасында жаңа толқын пайда болады. Еңбек өнімділігі өсіп, шекаралық-экономикалық тұрақтылық артып, шығындар көлемі қысқарып, табыс өседі. Құрылымдық қайта жаңғыру өндірісті көбейтіп, дамудың әр кезеңділігін жоюға септігін тигізеді. Ықпалдасқан елдердің өмір сүру жағдайын жақсартады», - деді С. Жұманазар.
Оның айтуынша, бүгінгі таңда ЕАЭО қосылған елдер бірігу арқылы өз экономикаларын дамытуға мүмкіндік алды.
