• Басты
  • Біз дағдарыстарды бірге еңсеруге дайын болуымыз керек – Н.Назарбаев
29 Мамыр, 2014 16:09

Біз дағдарыстарды бірге еңсеруге дайын болуымыз керек – Н.Назарбаев

Біз барлық дағдарысты бірге еңсеріп, мәселені бірлесе отырып шешуге дайын болуымыз керек, деп мәлімдеді бүгін ҚР Президенті Н.Назарбаев ЕАЭО мемлекет басшыларының мәлімдемесінде.
Біз дағдарыстарды бірге еңсеруге дайын болуымыз керек – Н.Назарбаев

«Біз бүгін ЕАЭО туралы Келісімге қол қоя отырып қазіргі заманның ең ірі экономикалық бірлестіктерінің бірін ресми түрде құрдық. Оның қазіргі халық саны 170 млн-ды құрайды. Жер бетіндегі ең ірі тұтыну нарығының бірі болып табылады. Ірілігі жағынан бұл әлемде жетінші орынға ие. Одаққа мүше мемлекеттердің жер бетіндегі пайдалы қазбалар қорындағы үлесі 40 трлн долларды құрайды. Біздің интеграциялық бірлестік энергетикалық ресурс жағынан әлемдегі теңдессіз одақ болып табылады. Соңғы жылдары экспортқа шығарылатын тауарлар қатарына азық-түлік секторы да қосылды. Одақ өзін өзі толықтай энергия және азық-түлікпен қамтамасыз етеді. Ішкі нарық пен өзге де мемлекеттер нарығына қажетті барлық коммуникацияға ие. Демек, бұл тәуелсіз мемлекеттерге кепілдік беретін ресурсқа иелік етеді деген сөз», - дейді Н.Назарбаев.

Оның айтуынша, жиырма бірінші ғасырда жаңа экономикалық нақтылық пайда болып келеді. Еуразиялық экономикалық одақты құру жолында ауқымды шаралар атқарылды. Ал алдағы уақытта жаһандық тұрақтылық пен тұрақты даму күтеді. Одақты құру өз алдына, енді оның өміршеңдігін ұстап қала білу керек.

«Интеграциялық байланыстармен өміріміз керемет болып кетеді деп айта алмаймыз. Әрбір мемлекет тиісті жұмыстарды атқаруы керек. Жаңа қатерлермен қатар жаңа мүмкіндіктер, жаңа міндеттемелер пайда болады. Мына қарқынмен экономикамыздың дамуына деген сенім мол. Біз бұрын-соңды ешбір одақтың бастан кешпеген жетістігін көріп жатырмыз. Біздің өсу қарқынымыз жоғары. Енді тек алған бетімізден жаңылмау керек», - дейді ол.

Камила Амирова 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды