• Басты
  • ЕАЭО елдерінің азаматтары үш мемлекетте де жұмыс істеуге құқылы – В.Путин
29 Мамыр, 2014 15:16

ЕАЭО елдерінің азаматтары үш мемлекетте де жұмыс істеуге құқылы – В.Путин

Еуразиялық экономикалық одақ елдері қандай да бір рұқсаттама қағаздарын рәсімдемей-ақ үш елдің ішіндегі қалаған мемлекетіне барып жұмыс істей береді, деп бүгін ЕАЭО Мемлекет басшыларының бірлескен мәлімдемесінде РФ Президенті Владимир Путин хабарлады.
ЕАЭО елдерінің  азаматтары үш  мемлекетте де жұмыс істеуге құқылы – В.Путин

«Еуразиялық экономикалық одақтың артықшылықтарын біздің азаматтар да өз игіліктеріне пайдалануы керек. Олар ендігі кезекте ешқандай да бір рұқсаттама құжаттарын рәсімдемей-ақ қалаған үш мемлекеттің бірінде жұмыс істеу құқына ие болады», - деді В.Путин.

РФ Президентінің айтуынша, алдағы уақытта одаққа Армения қосылуы мүмкін.

«Әрине, біз одаққа қатысушы мемлекеттердің санын арттыру мәселесіне де тоқталдық. Одаққа Арменияны қосу туралы Келісім жобасын қарадық. Бұл құжатқа барынша жақын арада қол қоятын боламыз. Армян тарабы бұл шараны маусым айында атқаруды айтып еді, біз оған келісім бердік. Жалпы, менің ойымша, алдағы уақытта Армения одақтың тең құқылы мүшесіне айналады», - дейді В.Путин.

Сонымен қатар, Путин Қырғызстанның да одаққа қосылу мүмкіндігіне тоқталды.

«Біз қазір Қырғызстан Президентімен тиісті құжаттарды дайындау шараларын қолға алып, өзіміздің тараптан көмектесудеміз. Одаққа қосылуға Қырғызстанның мүмкіндігі мол», - деді ол.  

Естеріңізге сала кетейік, бүгін Жоғары Еуразиялық экономикалық кеңестің  отырысында Қазақстан, Ресей мен Беларусь президенттері 2015 жылдың 1 қаңтарынан бастап күшіне енетін ЕАЭО туралы Келісімге қол қойды. 

Индира Кауметова 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды