Афинада Н.Назарбаевтың Қазақстан халқына Жолдауы таныстырылды
28 Мамыр, 2014 18:23
Афинада ҚР Президенті Н. Назарбаевтың «Қазақстан жолы – 2050: Бір мақсат, бір мүдде, бір болашақ» атты Қазақстан халқына жолдауының негізгі ережелерін, оның ішінде «Мәңгілік Ел» идеясы мен мемлекетіміз және қоғамымыз алдында тұрған әлемнің дамыған отыз елінің қатарына қосылу жолындағы міндеттерін түсіндіру мақсатында Елшілік Грекияда тұрып жатқан қазақтардың кездесуін ұйымдастырды.
Кездесуге қатысқандар Қазақстан басшылығының сарабдал саясатын жоғары бағалады, деп сыртқы істер министрлігінде хабарлады.
Бұл тұрғыда әлемдік дағдарыс кезеңінде экономиканың 6-пайыздық өсімі, білім беру мен әлеуметтік салалардың даму қарқыны, бүгінгі күнгі қазақстандық қоғамда этносаралық және дінаралық төзімділікті икемді сақтай білу атап өтілді.
