Көкшетауда вирусты гепатитке шалдыққандар саны екі есе азайды
19 Тамыз, 2013 00:00
Көкшетауда 2013 жылдың 6 айында 1 адам С вирусты гепатитіне шалдыққан, ал 2012 жылдың сәйкес кезеңінде барлы екі жағдай кездескен.
«2013 жылдың 6 айында Көкшетауда С вирусты гепатитке шалдығудың 1 жағдайы орын алған. Ауруғңа шалдығу көрсеткіші 100 мың адамға шаққанда 0,67-ні құрады. Өткен жылдың сәйкес кезеңімен салыстырғанда, ауруға шалдығу 1 жағдайға азайған», – деді Көкшетау МСЭҚБ эпидқадағалау бөлімінің жетекшісі Гүлмира Серажиденова.
Көкшетауда В және С вирусты гепатиттеріне мақсатты топтарды скринингтік тексеру жүргізілуде.
«2013 жылы барлығы В және С вирусты гепатитіне скрининг жасауға 283 ересек пен 400 бала жіберілген болатын. Барлығы тексеруден өтті», – деді маман.
Ақмола облысында вирусты гепатиттің алдын алу айлығы аясында бірқатар шаралар өткізіледі. Ашық есік күндері аясында мамандар кеңес беріп, сқрақтарға жауап береді.
