• Басты
  • Астанада жолбарыс популяциясын қалпына келтіру мәселелері талқыланды
28 Мамыр, 2014 10:52

Астанада жолбарыс популяциясын қалпына келтіру мәселелері талқыланды

Назарбаев Университетінде Қазақстанда тұран жолбарысын реинтродукциялау мәселелері жөніндегі конференция өткізілді.
Астанада жолбарыс популяциясын қалпына келтіру мәселелері талқыланды

Конференция жұмысына Қазақстан Республикасының қоршаған орта және су министрі Нұрлан Қаппаров, Дүниежүзілік жабайы табиғат қоры (WWF) мен Қазақстандық ұлттық географиялық қоғамның өкілдері және халықаралық сарапшылар қатысты.

Аталған шараның ашылу салтанатында сөз сөйлеген мнистр Н. Қаппаров ҚР Премьер-министрі Кәрім Мәсімовтың конференция қатысушыларына жолдаған хатын оқыды, деп  қоршаған орта және су ресурстары министрлігінде хабарлады.

«Аталған бағдарламаның іске асырылуы Қазақстанның экологиялық дамуында жаңа бағыт ашып, ертеректе жойылған түрлердің қалпына келтірілуіне жаңа экожүйелік тәсілдеме қолдануға жағдай тудырады. Жоба шеңберінде мемлекеттік ұлттық паркты құру, тоғайлы ормандарды қалпына келтіру,  флора мен фаунаның түрлік әралуандығын ұлғайту бойынша үлкен жұмыс атқарылады. Мемлекет қажетті көмек көрсетеді»- делінген ҚР Премьер-министрінің хатында.

Жолбарысты реинтродукциялау мүмкіндіктері қарастырылғаннан кейін оның ареалын құрған елдердің көпшілігінде аңның өмір сүруіне ыңғайлы жағдайлар қамтамасыз етілетін аумақтардың жоқтығы анықталды.

Сондықтан, тұран жолбарысының популяциясын қалпына келтіру жобасын жүргізу үшін Балқаш көлінің оңтүстік жиегі, Іле өзенінің сағасы мен оның шығыс бөлігін алып отырған аумақ іріктеліп алынды. Жолбарыстың мекендеуіне ыңғайлы аумақ 1 миллион гектар алқапты алып отыр.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды