Үш елдің кәсіпкерлері ЕАЭО аясындағы ынтымақтастықты талқылайды

28 Мамыр, 2014 09:00

Ертең интеграция аясында ШҚО-ның Өскемен, РФ Алтай өңірінің Барнауылы мен Беларусь Республикасының Могилев қалаларының қатысуымен «Еуразиялық экономикалық одақ: кәсіпкерліктер үшін болашағы мен пайдасы» тақырыбында телеөткел өтеді.

Телеөткелге жоғарыда аталған қалалардың басшылары, ауыл шаруашылығы, индустрия мен өндіріс саласындағы кәсіпкерлер, студенттік құрылыс-еңбек жасағының өкілдері қатысады, деп хабарлайды ШҚО ақпараттық орталығы.

Шара барысында Кәсіпкерлер палатасы өкілдері, «Казмырыш» ЖШС, «СемАЗ» ЖШС, Семей қаласындағы ет комбинаты өкілдері ЕурАзЭҚ артықшылығы туралы айтып, КО аясындағы қызметтерімен бөліседі.

Айта кету керек, өңірлердің гуманитарлық саладағы ынтымақтастықтары да арта түсуде. Өскемен, Семей, Новосібір, Томск, Мәскеу, Барнауыл, Санкт-Петербург, Минск қалаларының ЖОО-ы бірлескен зерттеу жұмыстарын жүргізуде. ҚР Ұлттық ядролық орталық базасында Курчатов қаласында бірлескен 15 ғылыми жоба іске асырылуда.

Басым бағыттардың бірі жастар саясатындағы ынтымақтастық болып табылады.

Барлық жаңалықтар