Соңғы 10 жылда туберкулезге шалдығу 2 есеге төмендеді – ДСМ
27 Мамыр, 2014 14:44
Соңғы 10 жылда туберкулезбен сырқаттанушылық 2,1 есеге төмендеді, деп денсаулық сақтау министрлігінде хабарлады.
Жалпы туберкулезбен сырқаттанушылық көрсеткіші мемлекеттің бәсекеге қабілеттілігінің жаһандық индексінің өлшемдерінің бірі болып табылады.
«Қазақстанда мемлекет тарапынан туберкулезге қарсы жүргізіліп жатқан іс-шаралар нәтижесінде елеулі жетістіктерге қол жеткізді. 2011 жылы Дүниежүзілік денсаулық сақтау ұйымының (ДДҰ) бағалау миссиясы Қазақстанда туберкулезге қарсы жүргізіліп жатқан іс-шараларға жоғары баға берді. Қазақстанда науқастар туберкулезге қарсы 1 және 2 қатардағы препараттармен 100% қамтамасыз етілген. Ал ДДҰ-ның бұл саладағы мақсаттық көрсеткіші 85% құрайды», - делінген хабарламада.
