• Басты
  • Астанада шамамен 60 мың белсенді ШОБ субъектісі бар – И.Тасмағамбетов
27 Мамыр, 2014 12:14

Астанада шамамен 60 мың белсенді ШОБ субъектісі бар – И.Тасмағамбетов

Қазіргі таңда Астанада шамамен 60 мың белсенді шағын және орта бизнес субъектісі бар, деп мәлімдеді бүгін Астана қаласы әкімі Иманғали Тасмағамбетов қала кәсіпкерлерінің конференциясында.
Астанада шамамен 60 мың белсенді  ШОБ субъектісі бар – И.Тасмағамбетов

«Кез келген қалада кәсіпкерлердің дамуына басты және маңызды шарттардың бірі қолайлы бизнес климаттың қалыптасуы болып табылады. Шағын және орта кәсіпкерліктің еркін қызмет етуіне бизнес климаты әлеуметтік индикатор есептелмек. Ол өз кезегінде бірнеше көрсеткіштермен бағаланады. Соның ішінде ең бастысы өзін өзі қамту деңгейі, оның көрсеткіші ретінде қаланың экономикалық тиімділігі болмақ», - дейді И.Тасмағамбетов.

Қала басшысның айтуынша, Астана бүгінде жыл сайын 6-7 пайыз деңгейінде экономикалық дамудың тұрақты өсімін байқатады. Нәтижесінде  бюджетке келіп түсетін қаражат көлемі де өсуде.

«Жалпы, бүгінде қаладағы белсенді шағын және орта бизнес субъектілерінің саны 56 мың. 2012 жылмен салыстырғанда бұл көрсеткіш 17%-ға артқан. 2013 жылғы өндірістік өнім көлемі 1 трлн 200 млрд теңгені құрайды», - дейді ол.

Сонымен қатар,  өзіндік табыс көлемі де артуда. 2013 жылы өзіндік табыс көлемі жалпы құрылымның 25%-ын құраса, 2013 жылы бұл көрсеткіш 45%-ға жетті. «Тұрақты түрде орташа есеппен мемлекеттік бюджетке түсім көлемі 20% артты. 2008 жылдан бастап мемлекттік бюджетке түскн қаражат көлемі екі есе артып 610 млрд теңгені құрады».

«Бүгінде Астана шағын және орта кәсіпкерлік субъектісіне шаққандағы өндірістік өнім көлемі жағынан республика бойынша бірінші орында. Республика бойынша бұл көрсеткіш 3,4 млн теңге болса, Астанада бұл деңгей 6,3 млрд теңге көлемінде», - дейді әкім.

Айта кету керек, форумда Астананың Өңірлік кәсіпкерлер палатасы қызметінің 2014 жылдың бірінші жарты жылдығындағы аралық қорытындысы шығарылып, елордадағы кәсіпкерлікті дамыту жолдары нақтыланды. 

Камила Амирова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды