Астанада 29 мамыр күні Еуразиялық экономикалық кеңестің отырысы өтеді
26 Мамыр, 2014 15:17
Ақорданың ресми порталында Мемлекет басшысының қатысуымен өтетін шаралар тізімі жарияланды.
«29 мамырда Астанадағы Тәуелсіздік сарайында Жоғары Еуразиялық экономикалық кеңестің отырысы өтеді. Іс-шараға Қазақстан Республикасының Президенті Нұрсұлтан Назарбаев, Ресей Федерациясының Президенті Владимир Путин және Беларусь Республикасының Президенті Александр Лукашенко қатысады», - делінген хабарламада.
Отырыста Еуразиялық экономикалық одақ құру туралы шартқа қол қойылады деп жоспарланып отыр.
