Мемқызметтегі тың реформа Қазақстанды жаңа деңгейге көтерді – Т.Цоцкалашвили

«Бүгінгі таңда біз Қазақстандағы мемлекеттік қызмет саласына жасалған батыл реформалардың елді жаңа деңгейге көтергеніне куә болып отырмыз. Аталмыш жаңалықтар мен бастамалар тәжірибесі әлемдік қауымдастықтың назарына ілікпей қоймасы анық», - дейді Т.Цоцкалашвили.

Оның айтуынша, Қазақстанда мемлекеттік қызметкерлерді оқыту мен жетілдіруге барлық  жағдай жасалған.

«ҚР Мемлекеттік басқару академиясында халықаралық деңгейдегі магистрлік және докторлық бағдарламалар жұмыс істеуде, мемлекеттік қызметкерлердің біліктілігін арттыру мен қайта даярлау жұмыстары жүргізіледі. Оқыту шаралары тәжірибег е  негіздеген. Әдістемелік дайындықтар мен ғылыми жұмыстар тұрақты өткізіледі. Академияның әлемдік сараптамалық қауымдастық пен халықаралық ұйымдармен қоян-қолтық жұмыс істеуі көңілге қуаныш ұялатады. Онда магистрлік және докторлық жұмыстарға халықаралық ғалымдар мен оқымыстылар тартылып, тәжірибе алмасу мен бірлескен зерттеу жұмыстары жүргізіледі. Академия қабырғасында Өңірлік хаб хатшылығы бар, онда мемлекеттік қызмет саласындағы тәжірибе алмасады», - дейді Тамта Цоцкалашвили.

Оның пікірінше, Грузияда мемлекеттік қызметкерлердің біліктілігін арттыратын осындай Академия жоқ екен. «Магистранттармен жүздесу біздің елде осы сынды білім ордасын құру процесін жеделдете түсті», - дейді ол.