Т.Мансұров: ЕАЭО міндеті – әлемнің ең ірі экономикалық макроөңірінің біріне айналу
«Еуразиялық интеграция әр елдегі экономикалық жетістіктерге, алдағы уақыттағы кеңейту мен тереңдетілуіне сүйенеді. Н.Назарбаевтың айтып өткеніндей, бұл дегеніңіз жаңа мүмкіндіктер ғана емес, сонымен қатар алдағы мыңжылдықтағы ұрпағымыздың жауапкершілігі», - дейді ол.
Өздеріңізге де белгілі, Астанада 29 мамыр күні Еуразиялық экономикалық одақ құру туралы Келісімге қол қойылады.
«Келісімшартқа сай, одақ аясында тауар, қызмет, капитал мен жұмыс күшінің еркін алмасуы және экономика салаларында бірыңғай саясат ұстану мен қалыптастыру қаматамасыз етіледі. Экономикалық одақтың мақсаты – мүше мемлекеттердің экономикасының тұрақты дамуына жағдай жасау мен халықтың әл-ауқатын көтеру, тауар, қызмет, капитал мен жұмыс күшінің бірыңғай нарығын құру, жаһандық экономика жағдайында шет елдік экономикамн бәсекеге қабілеттіілктерін арттыру», - дейді Т.Мансұров.
Оның айтуынша, шекаралас одақ мемлекеттердің ортақ экономикалық, кедендік, гуманитарлық және мәдени кеңістігіне айналуы қажет. Бұл тұрғыда экономиканың алар орны орасан.
«ЕАЭО-тың басты міндеті мүше мемлекеттердің әлемдегі ең дамыған мемлекеттер қатарына жетелеу үшін әлемдегі ең ірі экономикалық макроөңірге айналу, Шығыс пен Батыстың, Еуропа мен Азияның арасында алтын көпір құру», - дейді ол.
Естеріңізге сала кетейік, Кедендік одақ 2010 жылдың 1 қаңтарынан бастап жұмыс істеп келеді. Бір жылдан кейін 2011 жылдың 1 қаңтарынан бастап ол үш ел арасында толық ржимде жұмыс істей бастады. 2012 жылдың 1 қаңтарынан бастап аталмыш одақ аясында Бірыңғай экономикалық кеңістік құрылды.
