Қазақстанның бастамаларына қолдау көрсетуге дайынбыз – Ю.Кайнхорст (ФОТО)

21 Мамыр, 2014 15:56

Қазақстан барлық дамушы елдер үшін қоршаған ортаны қорғау саласында бенчмарк орнатады. Бұл туралы бүгін АЭФ аясында өткізілген Орталық коммуникациялар қызметінің көшпелі брифингінде Қоршаған орта, табиғи ресурстар мен ядролық қауіпсіздік федералды министрлігі департаментінің жетекшісі Юрген Кайнхорст мәлімдеді.

«Неміс Үкіметі Қазақстан Республикасы Үкіметімен тығыз байланыс орнатқан. Біз Қазақстанның көшбасшылыға тілеулестігімізді білдіреміз. Осы салада әлемдік бірқатар бастамашылар болғанымен Қазақстан әлемдік деңгейде аймақтың дамуына өзіндік жауапкершілігін алады. Осы мақсаттағы Қазақстанның бастамаларына қолдау көрсетуге дайын екендігімізді айта кеткім келеді», - дейді Ю.Кайнхорст.

Оның айтуынша, барлық дамушы елдер үшін қоршаған ортаны қорғау саласында бенчмаркинг орнатады. Осы тұрғыда өзге елдердің Қазақстаннан алары мол.

«Жасыл» дамудағы энергетикалық жүйе бойынша Қазақстанның Стратегиясы баламалы қуат көздерінің дамуына бағытталған. Бұл бастама тек экономикалық жағынан ғана емес, сонымен қатар қоршаған ортаны қорғау тұрғысынан да ұтымды», - дейді ол.

Жалпы, оның айтуынша, Германия қоршаған ортаны фундаменталды қорғау бойынша бағдарлама дайындаған.

«Бұл бағдарламаның күн тәртібіндегі басты мәселесі қоршаған орта мен экономикалық ахуалға да оң әсер етпек», - дейді Ю.Кайнхорст.

Камила Амирова