ЕХӘҚМ: 2018 жылға дейін Қазақстанда ТжКБ мамандарының тапшылығы байқалады

21 Мамыр, 2014 15:41

2018 жылға дейін Қазақстанда ТжКБ мамандарының тапшылығы байқалады. Бұл туралы бүгін ҚР еңбек және халықты әлеуметтік қорғау министрі Тамара Дүйсенова VII Астана экономикалық форумы «Әлеуметтік әріптестік. Өнімді еңбекті қамтамасыз ету мен лайықты еңбекті кеңейту бойынша жауапкершілікті бөліп алу» пленарлы сессиясында мәлімдеді.

«Алдын ала болжам бойынша, 2018 жылға дейін Қазақстанда ең көп тапшылық танытатын мамандық техникалық және кәсіптік білім беру ұйымдарының өкілдері болмақ. Еңбек ресурсы бойынша дамушы нарықтың қажеттілігін қанағаттандыру үшін оқыту орындары мен өндіріс орындары арасында тікелей байланыс орнатылды», - дейді министр.

Біріншіден, заманауи нарық жағдайын ескерет отырып сабақ пен кәсіптің біліктілік жүйесін жетілдіру.

«Биылғы жылдың соңына дейін неміс үлгісіндегі сабақты классификациялау жүйесі дайындалмақ», - дейді Т.Дуйсенова.

Екіншіден, нақты сабақ түрлеріндегі мамандар сұранысын болжау мен анықтау жүйесін құру.

«Болжаудың жаңа әдістемесі дайындалды және сыналды. Салалар бойынша маман тапшылығы мемлекеттік, салалық бағдарламалар аясындағы ашылып жатқан жаңа жұмыс орындарымен салыстырылады. Қазіргі таңда Қазақстан Республикасы бойынша экономикалық қызметтің 21 түрі бойынша трендтер анықталған», - дейді министр.

Мадина Нұрбекова

Барлық жаңалықтар