Халық дамуында Астананың алатын орны ерекше – К.Мәсімов

«Астана қаласы  халық дамуында негізгі рөлге ие  Қала - елдің жылдам дамып жатқан  қалаларының көшбасшысы. Сондай-ақ, ол интеллектуалдық орталық  болып есептеледі. Әлемдік деңгейдегі Назарбаев Университеті мен зерттеу университеттері және емдеу мекемелері  тоғысқан ірі орталық», - деді Премьер-Министр.

ҚР Премьер-Министрі алдағы уақытта қаланың «Болашақтың энергиясы» тақырыбында өтетін ЭКСПО-2017 көрмесін өткізетінін айта кетті.

Оның пікірінше, бұл әлемдік көшбасшылар, инвесторлар, технологтар, инноваторлар мен саясаткерлердің назарын аударатын ауқымды шара.

«Мен қатысушылардың басын қосу идеясын құрған бұл форумнан ерекше әсер алдым. Астана  осы ойдың символы іспеттес. Мен баршаңызды қарқынды дамып келе жатқан қаланы зерттеуге шақырамын», - дейді ол.