«Қазақстан-2050» терминологиялық анықтамалығында негізгі тезистер топтастырылған – Қ.Дайырбеков
Жедел экономикалық өсім шарттарына жол ашу үшін ұзақмерзімді даму мен экономикалық өсімнің саяси жоспарын құрған қуатты мемлекет қажет. Дәл осы негізгі мақсаттар 2012 жылдың 14 желтоқсанындағы Қазақстан халқына «Қазақстан-2050» Стратегиясы: Қалыптасқан мемлекеттің жаңа саяси бағыты» Жолдауында айтылды», - дейді Қ.Дайырбеков.
Оның айтуынша, «Қазақстан-2050»Стратегиясы:Қалыптасқан мемлекеттің жаңа саяси бағыты» Жолдауының негізін халықаралық өкілдер жоғары бағалап отыр.
Еуропарламент депутаты, Еуроодақ пен Қазақстанның парламентаралық ынтымақтастығы комитетінің делегациясының мүшесі Э.Йеггле қоғамдық институттарды жетілдіру мен жемқорлыққа қарсы күрес бойынша Қазақстанның қолға алған жобасын жоғары бағалап, ҚР Президентінің бейбітшілік пен тұрақтылық, азаматтық еркіндікті дамыту мен Заңның үстемдік құруы, сонымен қатар ел дамуының іргетасы болып табылатын өзге де құндылықтарды дамыту жолындағы талабын толықтай қолдайды.
Еуродепутаттың айтуынша, 2050 Стратегиясының мақсатын іске асыру шаралары қабылданып, Қазақстан халқы бұл жұмыстардың жемісін ұзақ жылдар бойы көрмек.
Ресей Федерациясы Мемлекеттік думасының депутаты О.Савченко Қазақстан Президентінің Жолдауы жайлы пікірімен бөлісе отырып, бұрынғы Кеңестік одақтың құрамында болған ешбір елде қазіргі таңда мұндай ұзақмерзімді жоспардың жоқтығын тілге тиек етті.
Қазіргі таңда ҚР Үкіметі Мемелекет басшысының алға қойған тапсырмаларын іске асыруға құлшына кіріскен. Атап айтар болсақ Қазақстанның әлемдегі ең дамыған 30 елдің қатарына ену тұжырымдамасы мен денсаулық сақтау, әлеуметтік сала мен білім беруге қатысты өзге де құжаттар қабылданып, біртіндеп жүзеге асырылуда.
