Бензол мен параксилол өндірісі 2014 жылдың соңында жүзеге асады – МГМ
19 Мамыр, 2014 16:37
2014 жылдың соңында Қазақстанда бензол мен параксилол өндірісі қолға алынады. Бұл туралы ҚР Парламенті Мәжілісіндегі «Нұр Отан» партиясы фракциясы жанындағы экономикалық саясат кеңесінің бірлескен отырысында ҚР мұнай жән газ вице-министрі Мағзұм Мырзағалиев мәлімдеді.
«Мұнай химиясы бойынша бүгінде айтарлықтай жұмыстар атқарылуда. 2017 жылға қарай біздегі полиэтилен, полипропилен, бензол, параксилол секілді негізгі өнімдер өзімізде өндіріле бастайды деп күтілуде. Соңғы екі өнім өндірісі 25014 жылдан бастап қолға алынбақ», - дейді.
Оның айтуынша, алдағы уақытта мұнай химиясы өнімдерінің жаңа түрлерін шығара отырып өңдеу деңгейі мен тереңдігін көбейтуге мүмкіндік тумақ.
М.Мағзұмовтың айтуынша, қазіргі таңда үш қазақстандық МӨЗ жаңғырту жұмыстары жүргізілуде.
«Жаңғырту жұмыстарының аяқталуымен 2016 жылы біз өз нарығымызды еуро-4 және еуро-5 өнімдерін толықтай қамтамасыз ете аламыз. Осы орайда технологиялық өңдеу деңгейі бойынша біз дамыған мемлекеттермен теңесеміз», - дейді вице-министр.
