Өскеменде судың сапасы жақсарады

19 Мамыр, 2014 09:14

«Өскемен-Су құбыры» кәсіпорны техникалық паркін жаңғыртты. Халыққа жіберілетін судың сапасы барынша жақсарады. Ол үрдіс оған қоса электр энергиясының шығынын қысқартады.

«Өскемен-су құбыры» кәсіпорны инвестициялық бағдарлама аясында өз қаражаты есебінен сумен қамту нысандарын қалпына келтірді, деп ШҚО ақпараттық орталығы хабарлады.

Кәсіпорында 12 сорғы станциясы, Октябрь ауданында 1123 метр су құбыры жүйесі мен 1,5 мың кәріз коллекторы қалпына келтірілді. Тазарту нысандары жаңғыртылып, 10 мың метр кәріз жүйесі жаңғыртылды.

«Сорғы станциясы қолданысқа 70-ші жылдардың соңында берілген болатын. Тек 90-шы жылы ғана қайта жаңғыртылу жұмыстары жүргізілген. Бүгінде біз құны 85 млн тұратын қондырғы орнаттық, ол электр энергиясының шығынын 25 пайызға қысқартты», - деді «Өскемен-су құбыры» кәсіпорны өнеркәсіптік- техникалық бөлімінің басшысы Наталья Лукерена.

Аталмыш құрылғылардың орнатылу есебінен электр энергиясының кетуі қысқарып, судың шығынын 19 пайызға қысқарды.

теги:

вода