Қазақстанда 21,8 млн га жерге ауыл шаруашылығы дақылдарын егу жоспарлануда - АШМ
18 Мамыр, 2014 15:08
Алдын-ала мәліметтер бойынша, 2014 жылы 21,8 млн га жерге ауылшаруашылығы дақылдарын егу жоспарлануда. Бұл өз кезегінде 2013 жылмен салыстырғанда 313 тыс га немесе 1,5% жоғары.
Көктемгі егіс алқабы өткен жылдағыдай 19 млн га деңгейінде қалады, деп ҚР Ауылшаруашылығы министрлігінен хабарлады.
Оның ішінде бидай - 15,9 млн га, майлы дақылдар 2 млн га, көкеніс - бақша дақылдары мен картоп - 410 тыс га, мал азығы дақылдары - 3,4 млн га жерге егіледі.
Қазіргі таңда барлық аймақтар көктемгі егін егу жұмыстарына кірісіп кеткен, деп ведомстводан хабарлады. Осы ретте солтүстік өңірлерде жер жырту жұмыстары жүргізіліп жатса, басқа жерлерде ауылшаруашылығы дақылдары егілуде.
