ШҚО-да жазғы демалысты ұйымдастыруға 280 млн теңгеден астам қаражат бөлінді

Білім беру басқармасының хабарлауынша, 2014 жылы ШҚО-да жазғы демалыс еңбек ұйымына облыстың қалалары мен аудандарының жергілікті бюджетінен 198 млн 70 мың теңге қарастырылған. Сонымен қатар, облыстық бюджеттен 84 млн 282 мың теңге бөлінген, деп хабарлайды ШҚО ақпараттық орталығы.

Облыс бойынша жазғы демалыс уақытында ұзын саны 759 лагерь жұмыс істеп, онда 65 295 бала демалады. Бұл барлық оқушылардың 42,8% пайызын құрайды. Сонымен қатар,  демалыс лагерлерінен бөлек мектеп жанынан да лагерьлер құрылып, онда балалардың уақыттарын тиімді пайдалануға көңіл бөлінбек.

Сонымен қатар,  облыста 63 кәсіби лагерь мен 72 спорттық, туристік лагерь бар.

ШҚО Білім беру басқармасының  жетекшісі Асқар Нұрғазиевтің айтуынша, алдағы уақытта облыста сауықтыру және туристік нысандар салынса, алдағы маусымның басына қарай Семей қаласында 30 орындық «Сары жайлау» мәдени-спорттық сауықтыру орталығы ашылады.  Ал, Глубоковский ауданында «Толағай» демалыс орын корпустары жөнделіп жатыр.

Айта кету керек, жазғы демалыс ұйымдарында әлеуметтік қорғаусыз балаларға ерекше назар аударылуда.