Қазақстанның сыртқы сауда айналымы 31,1 млрд доллардан асты

16 Мамыр, 2014 17:26

Қазақстанның 2014 жылғы каңтар-наурызда сыртқы сауда айналымы 31105,7 млн. АҚШ долларын құрады. Бұл туралы брифингте ҚР Статистика агенттігінің төрағасы Алихан Смайылов мәлім етті.

«2014 жылғы каңтар-наурызда сыртқы сауда айналымы 31105,7 млн. АҚШ долларын құрады. Бұл көрсеткіш экспорттың 11%-ға артуына байланысты 2013 жылғы каңтар-наурызбен салыстырғанда 3,7% өсті. Ал, импорт -8524,1 млн. АҚШ долларын құрап, 12% азайды», - деді А. Смайылов.

2014 жылғы 1 мамырдағы жағдай бойынша тіркелген заңды тұлғалардың саны 345486 бірлікті құрап, өткен жылғы сәйкес кезеңмен салыстырғанда 6% артты, оның ішінде 50 адамнан кем қызметкерлері бар - 328399 бірлік. Жұмыс істеп тұрған заңды тұлғалардың саны 187370-ті құрады, оның ішінде 171214 бірлік - 50 адамнан кем жұмысшылары бар шағын кәсіпорындар.

«Тұтыну бағаларының индексі 2014 жылғы сәуірде 2013 жылғы желтоқсанмен салыстырғанда 103,9% құрады», - деді ол.

Азық-түлік тауарларына бағалар - 4,3%, азық-түлік емес тауарларға - 3,8%, ақылы қызметтерге - 3,5%-ға өсті.

Өнеркәсіп өнімдеріне өндіруші кәсіпорындар бағасы 2014 жылғы сәуірде 2013 жылғы желтоқсанмен салыстырғанда 11,7%-ға жоғарылады.

Мадина Нұрбекова