Қазақстан халқының саны 60 мыңға артты (ФОТО)

«Қазақстандағы демографиялық ахуал туралы айтатын болсақ, 2014 жылдың 1 сәуіріндегі жағдай бойынша алғашқы үш айда еліміздің халық  саны 17 млн  221,1 мың адамды құрады. Оның  55% қала, 45% ауыл тұрғындары. 2014 жылдың қаңтар-наурыз аралығында халық саны 60,3 мың адамға немесе 0,4% артты.  Өткен жылы дәл осы кезеңде халық саны 251,5 адамға немес 1,5%-ға ғана артқан еді», - деді сөз басында А. Смайылов.

Сонымен бірге, ол биылғы жылдың алғашқы үш айында азаматтық хал актілерін тіркеу (АХАТ) органдары 93 мың бала туылуын тіркеген. Бұл көрсеткіш 2013 жылдың дәл осындай кезеңімен салыстырғанда  0,5%-ға жоғары. Ал, 1000 адамға  бала туудың жалпы коэффициенті 21,78 құрады.

«Үш айда қайтыс болғандар саны 33,3 мың адамды құрады, бұл өткен жылмен салыстырғанда 6,2%-ға аз. Ал, 1000 адамға  қайтыс болғандардың жалпы коэффициенті 7,82 көрсетті. 2014 жылдың  қаңтар-наурыз аралығында халық санының табиғи 2,7 мың адамды немесе 4,8% көрсетті.  Табиғи өсімнің 1000 адамға шаққандағы  жалпы коэффициенті 13,96 жетті», - деді ол.

Агенттік басшысы 1 жаса дейінгі бала өлімі жайлы статистика мәліметімен бөлісті. Оның айтуынша, бұл көрсеткіш ағымдағы жылдың алғашқы үш айында 1050-ге жетіп, өткен жылмен салыстырғанда 8,7%-ға төмендегені байқалған.