Алматы электр энергиясымен толық қамтамасыз етілген – А.Есімов

16 Мамыр, 2014 18:44

Бүгін Алматыда «Есентай» атты жаңа қосалқы электр стансасы пайдалануға берілді. Қаланың Бостандық ауданындағы 110/10-10/6 кВ-тық қосалқы стансаның ашылу рәсіміне Алматы әкімі Ахметжан Есімов, «Самрук-Энерго» АҚ-ы мен «АЖК» АҚ-ының өкілдері қатысты.

Қала басшысы бұл жаңа энергия көзінің алматылықтар үшін өте маңызды екендігін атап өтті. «Есентай» қосалқы стансасы мегаполистің орталық бөлігіндегі тұрғын үйлерді, мемлекеттік органдар ғимараттары мен өнідірістік және әкімшілік обьектілерді жарық көзімен қамтамасыз етеді, деп қала әкімдігінде хабарлады.

«Құрылыс осыдан тура бір жыл бұрын басталған еді, бүгін міне, қосалқы станса белгіленген мерзімінде пайдалануға беріліп отыр. Жаңа қосалқы станса алматылықтарды электрэнергиясымен кідіріссіз қамтамасыз етеді. Ең бастысы, біз бұл қосалқы станса арқылы мегаполистің орталық бөлігіндегі жаңа тұтынушыларға болашақта 20-25 жылға жарық көзін пайдалануға мүммкіндік беріп отырмыз. Жалпы, Алматы бүгінгі күні электрэнергшясымен толық қамтамасыз етілген», - деді Ахметжан Есімов.

Мегаполис басшысы Алматының энергетика кешенін модернизациялау Бағдарламасы аясында соңғы 6 жыл ішінде 26 қосалқы стансаның іске қосылғандығын атап өтті. Осылайша, қалада энергшияның қуаттылық деңгейі 3000 МВА-дан астам. Әр қосалқы станса отандық және шетелдік қазіргі заманғы қондырғылармен жабдықталған. «Бесағаш» қосалқы сатнсасының іске қосылуы арқасында қалада 220 кВ болатын энергетикалық айналым қалыптасты.

Өз кезегінде «Самрук-Энерго» АҚ-ының өкілі Гани Салимжуаров ҚС-ны салу барысында отандық жабдықтаушылардың қондырғылары мен қызметі пайдаланғандығын, соның арқасында қазақстандық сипаттың 39%-ға жеткенін айтты.

Барлық жаңалықтар